Taylor Swift concert-in magnitude 2.3 tluka nain lei a nghawr nghing

Taylor Swift 'Eras Tour' chuan thawm a nei lian chho zel. Show neihna apiangah a hit chho zel a, concert entu an ṭhahnem theiin record pawh a siam belh zel.

July 22 leh 23 khan Seattle-ah tour hi neiin, an thawm a na hle. Western Washington University-a seismologist leh geology professor, Jackie Caplan-Auerbach chuan Seattle concert-a kalkhawmte lam leh, sound system-in lei a nghawr chu lirnghing tehnaa magnitude 2.3 tluka na a ni tih sawiin, ṭawngkam thar 'Swift Quake' tih a rawn chhuah phah.

'Swift Quake' hian a hmaa Lumen Field-a mipui pungkhawmin lei an nghawr nghin, 'Beast Quake' record a rawn khum a ni. Kum 2011-a Seattle Seahawks fan-ten Marshawn Lynch a.k.a Beast Mode-a'n touchdown a siama an hlim zuang thawm khan magnitude 2.0 tluka nain lei an nghawr nghing. Mahse hei hi Swift Quake hian a rawn khum ta.

Caplan-Auerbach chuan 'Beast Quake' leh 'Swift Quake' inthlauhna hi 0.3 chauh ni mah se, a takah chuan Beast Quake let zet ang a nih thu sawiin, 'Beast Quake' hi second 20/30 vel chauh a ni laiin, Taylor Swift concert erawh darkar eng emaw zat a awh vangin hemi chhunga hian lei innghawr chu a na hle a ni, a ti.

June 17-a Pittburgh-a Acrisure Stadium-ah 'Eras Tour' neihah khan Swifties 73,117 zet pungkhawmin record a lo siam tawh bawk.