Drake-a'n Tupac Shakur zungbun USD mtd 1 chuangin lei

Drake chuan Tupac Shakur-a gold, ruby leh diamond crown ring lilam chu USD mtd 1.01-a chhangin a lei a, a instagarm story-ah a zungbun lei hi chhuang takin a pholang bawk.

Mipui hmaa a inlan hnuhnun ber, 1996 MTV Video Music Awards-ah khan Tupac hian he zungbun hi a bun a ni. Kar liam ta khan a zungbun hi a ṭhianṭha, Yaasmyun Fula chuan Sotheby-ah a lilam a, Drake hian a chang ta a ni.

He zungbunah hian 'Pac and Dada 1996' tih a inziak a, hei hi hetih hunlai Tupac-a nupui hual, Kidada Jones a sawina a ni. Kum 1996, September 7-ah Las Vegas-a silaia kah a nih lai pawh khan hip-hop icon hian a zungbun hi a kut vei lam zung-u ah a bun.

Lilamnaah hian USD 3,00,000 vela hralh theih an beisei laiin, an beisei aia a let thum chuanga tamin Drake hnenah hian an hralh a, hip-hip artist-te thil neih lilam zinga hralh to ber zingah a tel. Kum 2020 khan Drake hian Tupac Shakur Jesus pendant pair, USD 3,00,000 man ve ve chu a lo lei tawh bawk.