‘Thaibawih’ a chhuak hnai ta

Mizo film chhuak tur zinga nghahhlelhawm ber pawl, Thaibawih (Hmeichhe lu chu mipa) chu a chhuak hnai ta.

Zote Entertainment buatsaih, Thaibawih hi August 11 hian release a ni ang.

March thla aṭanga buaipui tawh, Thaibawih film hi Kawrthah leh Rawpuichhip-ah shooting neih a ni. He film-ah hian Mizo hmeichhe lemchan thiam zinga a berte zinga mi, Ruthy Chenkual a chang a, nutling role rawn changin a hnehsawh leh viau turah ngai ang. 'Thinlung khawngaihthlak' tih hla hmanga Zoram mipuite min awitu, Francis chu a changtupa a ni bawk. Kawrthah nu lemchan thiam tak mai, an thiam em em Pi Partei, Lerlawri tia hriat lar a inlan bawk a, Aaron Malsawmdawngzuala leh Malsawmtluangi Tochhawng-te pawh an rawn lang dawn bawk a ni.

'Thaibawih'-ah hian gender equality leh feminism lam pawh a lang nual dawn a, a thlirtute tan pawh en dan thiam a ngai dawn.

Zote Entertainment hian he film bik atan hian Story Production team neiin, Loretta Khawlhring, Emra Ralte, Julies Maniera leh Tei Zote-te an awm. Director hi Mike niin, Lersia Play chu co-producer a ni.