Zirtluangpuii hla thar 'Rawllai nun'

Zirtluangpuii chuan zanin hian hla thar 'Rawllai nun' a tichhuak dawn a, dar 6-ah LPS leh YouTube lamah a rualin a dah chhuak dawn a ni.

'Rawllai nun' hi H Laltlankima phuah niin, music leh recording chu Thangbawiha, EME Records kut chhuak a ni a, belhchian a dawl hle ang. Video chu Siama, Hebron Pictures kut chhuak a ni bawk.

Hla phuahtu H Laltlankima hi Zo-rimawi international dintu zinga mi niin President hmasa ber a ni a, Mizo Song Composer Society Sr. Adviser a ni bawk a, a sulhnu ngaihthlak a nuam hle ang tih a chiang.

Mizo lengzem artist zinga YouTube lama a hla ngaihthlak hlawh ber pawl Zirtluangpuii zai ngainatute tan chuan zanin hian LPS leh YouTube lamah a ngaihven theih dawn a ni.