UNDP-in Sonu Sood award hlan

Indian actor Sonu Sood chu Covid-19 hri leng vanga tang­khang mi 1000 chuang hawna tur a ngaihtuah sak avangin, United Nations Develop­ment Programme (UNDP) chuan Punjab-a planning depart­ment kaltlangin SDG Special Humani­tarian Action Award a hlan.

He award hi Thawhṭanni khan virtual-in Sonu hi hlan a ni a, Angelina Jolie, David Beckham, Leonardo DiCaprio, Emma Watson, Liam Neeson, Cate Blanchett, Antonio Banderas, Nicole Kidman leh Priyanka Chop­ra te'n an lo dawn tawh chawi­­mawina chu hlan a ni ve ta a ni.

"Ka Indian puite tan thil tlem te ka ti a, hetiang award ropui tak hi ka dawng ang tih ka suangtuah pha lo. He award ka dawng hi ka lawm hle a, chawimawina ropui tak a ni," tiin Award a dawn chung­changah Sonu chuan a sawi.

Priyanka Chopra chuan Sonu chu a lawmpui tih sawiin, a thil tih chu fakawm a tih thu leh award pawh chu a phu hle tih a sawi a ni.