Lalngengpuii Tochhawng a liam ta

A zai hmanga Zofate min awi ṭhintu, Lalngengpuii Tochhawng (51) chu nimin khan kal ṭha lo vangin Greenwood Hospital-ah a boral a, vawiin chhun dar 12-ah vui a ni ang. Lalngengpuii Tochhawng hi kum 1972-a piang niin, fanu pakhat Dr. Lalbeiseii a nei a, Bethlehem Vengthlangah an khawsa.

Ngengpuii hi Thawhṭanni zan a inkhawm bang chu lei seh chilh a nei a, amah hi bp sang nei sa a nih bawk avangin Civil Hospital, Aizawl panpui nghal a ni. Civil Hospital aṭang hian Greenwood Hospital-ah kalpui leh niin, a dinhmun a ṭhat loh avangin nimin chhun dar 12-ah ICU-ah dah luh a ni a, tlai dar 3:50 khan a boral ta a ni.

Mizo hmeichhe zaithiam, aw dangdai 'cial' tak mai nei Ngengpuii hian Zoram dengchhuak hla lar eng emaw zat a nei a, chung zingah chuan 'Min hrilh rawh', 'Zo Barbie', 'Duhaisam', 'A sakhming pawh ka hriat loh kha', leh AZZ nena an sak 'Leng dun ang' te an tel.