Jungkook-a'n single leh mini album tihchhuah leh a tum

A official solo debut single “Seven” hmanga record hrang hrang a siam hnuah, BTS Jungkook chuan solo music lamah nasa zawka kal chhoh a tum a, November thlaah single thar leh mini album tihchhuah leh a tum.

A bandmate Suga talkshow, 'Suchwita'-ah Jungkook hian single dang leh mini album drop leh a tum thu hi a sawi lang a, November thla ral hma ngeia tihchhuah a tum a ni. Mini album-a hla a dah turte pawh a la thlang fel lo a, a buaipui ṭan tur thu a sawi bawk. A single pahnihna tihchhuah leh tur atan pawh 'Seven' anga hit tur a mamawh dawn tih sawiin, tunah chuan a nei rih mai lo niin a sawi bawk.