David Beckham-a'n Prince Harry-te nupa nena inṭhianna titawp

Meghan Markle leh Prince Harry-te chu an ṭhianṭha pakhatin a thlauhthla leh ta. Khawtlang media-te report-in an tarlan danin, David Beckham leh a nupui Victoria-te chuan Prince Harry-te nupain dik lo taka an puh avangin an inṭhianna an titawp.

Meghan Markle chuan English footballer hlui, Beckham leh a nupui hi press mite hnena an chanchin tiput ruah a puh a, hei hi Prince Harry-te nupa hian an inbiak ṭumin an sawi lang nia report a ni. He thil hian Beckham-te nupa, a bikin David Beckham hi a tithinur hle a, dik lo taka puh an nih avanga hian an lawm lo a, an inṭhianna titawpin, an inkar boruak pawh hi siam ṭhat mai an tum lo nia sawi a ni. David hi Britain lal chhungkaw chunga Prince Harry-te nupa chet dan hian a tilawm lo hle bawk niin an tarlang.

David leh Victoria hian Meghan Markle-i'n Prince Harry nena an inneih dawna UK a thlen pawh khan an lo ngaihven ṭha hle a, an inneihnaah pawh an nupa hian an tel a ni.