Billboard Global chart-ah ‘Seven’ a chungnung zel

Billboard Global 200 leh Billboard Global Excl. U.S. chart thar (August 5 kar)-ah Jung Kook leh Latto thawh dunna, 'Seven' chu a chungnung leh ber a, a kar hnihna atan no. 1 a ni chhunzawm.

Global 200 top 10-ah July 21-a tlangzarh Barbie movie soundtrack pathum an rawn lang bawk a, chungte chu Nicki Minaj & Ice Spice leh Aqua-te 'Barbie World', Billie Eilish 'What Was I Made For?' leh Dua Lipa 'Dance the Night' te an ni.

Travis Scott, Bad Bunny leh The Weekend-te thawhhona, 'K-POP' pawh tlangzarh karah Global 200-ah rawn langin no. 5 dinhmun a rawn luah nghal.

Jung Kook 'Seven' hian a kar hnihnaah stream mtd 152.1 a la nei a, a kar hmasa aia a tlak hniamna hi 30% a ni. No. 2-ah Jason Aldean 'Try That in a Small Town' chu awmin, stream mtd 30.8 neiin a stream punna hi 177% zet a ni. 'Try That in a Small Town' hi Hot 100 chart-ah no. 1-ah a chho a, kar hmasa lama no. 1 hauhtu, 'Seven' hi no. 9-ah a tla thla thung.

NewJeans 'Supershy' chu Global 200-ah hian no. 3-ah rawn chhoin, Myke Towers 'Lala' chu no. 4-ah a tla thla thung. Olivia Rodrigo leh Gunna-te pawh top 10-ah an la awm chhunzawm bawk.

Billboard Global 200 leh Billboard Global Excl. U.S. chart hi research firm, Luminate-in khawvel ram/territory 200 chuanga streaming leh sales activity a lak khawm aṭanga siam an ni ṭhin. Global 200 hian worldwide data a huam a, Global Excl. U.S. hian US bik erawh a huam tel lo thung.