Movie Boss-te'n toy movie lam an hawi

'Barbie' movie a hit chho rem rem bawk a, Hollywood movie boss lam pawhin toy movie siam lam an ngaihven chho hle.

Miniature Polly Pocket doll behchhanin toy movie siamna tur tihfel a ni tawh. Polly Pocket movie hmasa ber turah hian Lily Collins a chang dawn a,'Girls' creator Lena Dunham chu script writer leh director a ni dawn nia sawi a ni bawk. He film hi hmeichhe naupang leh pocket-size hmeichhe pakhat inṭhian chhoh dan chanchin a ni ang. Hollywood actor leh writer-te nawrh huaihawt mek karah, film thar siamna tur hi an buaipui chho ṭan mek nia sawi a ni. Dunham hian a script pawh a ziak fel vek tawh a, SAF-AFTRA nawrh huaihawt mek tihtawp a nih veleh chan ṭan theih nghal a ni tawh niin an tarlang.

Purple dinosaur chanchin, 'Barney' action film-ah siam tum a ni a, actor Daniel Kalluya chuan a produce dawn a ni. Hei bakah hian car, monster truck leh motorcycle-te channa 'Hot Wheels' chu Warner Bros leh JJ Abrams-ten an produce dawn bawk.

'Barbie' movie hian khawvel huapin USD 545 vel a la lut tawh a, a la hit chho zel bawk. Hei vang hian Barbie doll siamtu, Mattel pawhin a chhunzawmna siam leh ngei an tum nia sawi a ni bawk a, mahse, writer leh director Greta Gerwig chuan a movie hmasa hi khum a harsat tawh hle a ring thung.