SRK ‘Jawan’ track-in darkar 24 chhungin 46 million view nei

3rd August, 2023

Bollywood superstar, Shar Rukh Khan channa, 'Jawan' film-a an zai leh lamna, 'Zinda Banda' video chu July 31 khan tlangzarh a ni a, YouTube-a dah chhuah a nih aṭanga darkar 24 chhungin view mtd 46 a nei hman.

'Zinda Banda' hlaah hian SRK hi hmeichhe lam thiam 1,000 rualte nen an lam a ni. He hla bika shooting neihna atan hian Rs. vbc 15 zet an seng. A video hi ṭawng chi thum, Hindi version 'Zinda Banda', Tamil version 'Vandha Edam' leh Telugu version 'Dhumme Dhulieplaa' in dah a ni.

'Jawan' hi September 7 hian India bakah ram pawn lamah tlangzarh a ni dawn a; Hindi. Tamil leh Telugu ṭawngin tihchhuah a ni ang.