Blink-182 album thar a ṭha dawn

American rock band Blink-182 in an inzawmkhawm leh hnua an album tihchhuah tur chu a ṭha ber a ni dawn tih an guitarist, Tom DeLonge chuan a sawi.

Album tihchhuah hun tur erawh an la sawi lang lo a, "Kan hla ṭha ber ber tur kan buaipui mek a, tihchhuah hunah chuan kan album zinga ṭha ber a ni ngei ang," tiin Tom chuan an fan-te beng a fah ngei tur thu a sawi a ni.

Tom DeLonge hian kum 2015 khan rockband dang, Angels & Airwaves lama insawrbing turin Blink-182 hi a lo chhuah san tawh a ni. Nikum October thla khan inzawm khawm lehin an single 'Edging' hi an tichhuak a, kumin April thla khan Coachella-ah pop punk venteran - original co-frontmant Tom DeLonge (47) leh co-front Mark Hoppus (51), drummer Travis Barker (47) te hi an inlan ho leh a, hemi hnu hian world tour an nei zui a ni.