Taylor Swift-i'n Eras Tour-a thawktute tan bonus USD mtd 55 chuang pe

Taylor Swift 'Eras Tour' neih mek chuan sum a hai lut hnem hle a, tour crew-te pawhin a hlawkna an tel ve zel.

Pop superstar, Swift hian show ropui tak tak a neih theihna atana theihtawp chhuaha thawktu - dancer,trucker, light & sound technician, caterer leh thawktu dang zawng zawng hnenah bonus a pe a, a bonus pek hi a vaiin USD mtd 55 a tling. Kar liam ta kartawpa Santa Clara-a concert a neih hmain bonus hi a pe hlawm a ni.

Swift hian 'Eras Tour' hi March thla khan Glendale, Arizona aṭangin a ṭan a, karleh hian US leg hi zoin Mexico lamah a chhunzawm dawn a, nakkumah Europe, Asia leh Australia lam pawh a la fang dawn. US leg aṭang ngawt pawh hian Eras Tour hian USD tld 1 vel a la lut pha.