V solo album a chhuak hnai

BTS V chuan ADOR CEO Min Hee Jin thawhpuiin, solo album a tichhuak dawn tih a sawi chiang ta.

V hian a producer Min Hee Jin nen hian a solo album hmasa ber tur hi an buaipui mek. A producer hian music, choreography, design leh promotion thlengin a buaipui vek dawn a ni.

Solo album a buaipui mek chungchangah a nervous rualin a hlim hle tih V chuan a sawi. ARMY-te pawh an hlim a beisei thu sawiin, he album tharah hian BTS V leh solo artist V danglamna an hmu dawn niin a sawi bawk.

V hian a hmain solo track eng emaw zat a lo tichhuak tawh a, chung zingah chuan “Stigma,” “Singularity,” “Inner Child,” “4 OCLOCK,” “Scenery,” “Winter Bear,” “Blue & Grey,” leh “Snow Flower” te an tel.