Kurt Cobain-a electric guitar lilam dawn

Nirvana frontman, Kurt Cobain-a electric guitar chu tun thla tawp lama Kruse GWS Auction-ah telh a ni dawn a, USD 2,00,000 vela hralh theih an beisei. A guitar hnung lamah a hming sign pawh a awm a ni.

Lilamnaah hian American rocker thil neih dang, a thlalak bakah swimming goggles-te pawh a tel dawn bawk a ni. Auctioneer Brigitte Kruse chuan Kurt Cobain guitar hian ngaihven a hlawh hle a rin thu a sawi.

August 26-a “Artifacts of Hollywood & Music”online sale neih turah hian singer leh actor-te thil hlui chi 350 chuang zawrh chhuah a ni dawn. Heng zingah hian the King of Rock 'n' Roll Elvis Presley-a custom-made jewelry, Jamie Fox-a'n 2006 'Dreamgirls' film-a a sunglass, zungbun leh wristwatch a bun te, “The Fast and Furious” franchise-a car ṭhenkhatte a tel.