Dua Lipa an khing leh ta

Dua Lipa chuan a hla, 'Levitating' vangin court-ah khingtu a nei leh ta.

'Talk box' musician, Bosko Kante chuan Los Angeles court-ah khingin, British pop star Lipa leh a label, Warner Music Group hnenah 'Levitating' remix-naah 'talk box' telh turin phalna a pe lo tih a sawi. Lipa hit song remix-a a performance an telh hi a copyright bawhchhiatna a ni, a ti. Ṭawngkam chuan a hla original recording-ah chauh a part hi telh chu a phalsak tih a sawi bawk.

Dua Lipa hian 'Levitating' hla avang hian copyright thubuai pahnih dang a lo nei tawh. Reggae group Artikal Sound System-in an khinna chu June thla khan tihtawp a ni a, mahse, songwriter Sandy Linzer leh L.Russell Brown-te'n an khinna erawh a la kal zel thung.

Kante hian nghawnga awrh a, phone emaw synthesizer emaw-a thlun zawm a, a hmangtu aw fawn chu musical instrument anga a chhuah theihna, ElectroSplit Talk Box a siam a,he Talk Box hi Kanye West, Big Boi leh J.Cole-te zaiah pawh a lo play tawh a ni.