Lehkhabu bawm: Dr C. Lalhrekima lehkhabu ‘I Thu ber Lo’ tlangzarh

Dr C. Lalhrekima lehkhabu ziah, 'I Thu ber Lo; tih chu nimin khan Synod Conference Centre-ah central KṬP leader, Rev F. Pachhunga'n a tlangzarh.

Lehkhabu tlangzarh inkhawmah hian Ramhlun bialtu pastor, Rev. ZD Lalhmachhuana'n hunserh a hmang a, Dr. H. Laldinmawia, Asst. Professor & HOD, Pachhunga University College chuan lehkhabu preview hun a hmang bawk.

'I Thu ber Lo' hi Kristian Ṭhalai Pawl, Ramhlun Branch tihchhuah niin, Fraser Media and Publication kutchhuak a ni. A cover design hi Malsawma Photography kutchhuak niin, cover model-ah zaithiam Lalramchana hman a ni. Phek 280-a chhah, Rs 350 man a ni a, lehkhabu dawr hrang hrang leh zuar chhawng hnenah pek a ni ang.

He lehkhabu hi Dr Hrekima lehkhabu parukna a ni a, a thuziak thlanchhuah 68 dah a ni. A bu thupui, 'I Thu ber Lo' tih hi zaithiam Ngurthangvela hla aṭanga lak chhuah a ni.