Jay Jay Karo intihsiakna ṭan a ni

Synod Mission Board, Media Sub-Committee leh Synfo ṭangkawpin a buatsaih, Hindi Pathian fakna hla hmanga intihsiakna, 'Jay Jay Karo' chu August 1 & 2 khan Elimination Round zawh fel a ni a, mi 13-in Second Round an lut.

Second Round hi August 10 zan dar 8:00-ah neih a ni ang a, August 18-ah top 15 intihsiakna neiin, August 29-ah final round neih a ni ang. Second Round aṭang hian Hruaina Eng channel-ah live-a pek chhuah a ni ang.

'Jay Jay Karo' intihsiaknaa pakhatna hian Rs 70,000 leh citation, pahnihnain Rs 40,000 leh citation, pathumnain Rs 20,000 leh citation an dawng ang. Top 10-a tlingte'n consolation prize, Rs 3,000 leh certificate an dawng dawn bawk.

Synod Mission Board Media Sub-Commitee chuan rawngbawlna kawnga thil ṭangkai a nih beiseiin Hindi Pathian fakna hla sa thiam dap chhuah ṭha a ti a, hemi atan hian mal zai intihsiakna hi a buatsaih a ni.