Freddie Mercury thil neih hrang hrang pho chhuak

Queen vocalist, Freddie Mercury thil neih hrang hrangte chu nimin aṭang khan London-ah mipuite thlir theih tura pho chhuah a ni a, September thlaah lilam an ni ang.

Kum 1991-a AIDS kaihhnawih avanga Freddie Mercury a thih hnuah, London-a a ina a bungrua leh thil neihte chu a ṭhian ṭha tak Mary Austin chuan a enkawl zui a ni. Heng bungraw hrang hrangte hi Sotheby-ah thla khat chhung pho chhuah a ni dawn a, hemi hnu hian an lilam dawn a ni.

Lilam tur zingah hian a thil neih zinga a hlut em em, 1975 Queen epic "Bohemian Rhapsody" a phuah puina, Yamaha piono pawh a tel. He piano hi USD mtd 2.5 - 3.8) vela hralh theih an beisei. Hei bakah hian Queen hminga tour a neih hnuhnun berna, kum 1986-a 'God Save the Queen' finale-a a hak, a kawrfual pawh zawrh a ni dawn a, "We Are The Champions" hla thu a ziahte pawh a tel bawk ang. A ina a bungrua leh thil neih zawrh chhuah tur hi item 33,000 chuang a tling.