Taylor Swift ‘Eras Tour’ neihna tur belh leh

Taylor Swift 'Eras Tour' neih mek chu a hlawhtling chho bawk a, ram hrang hrang hruaitute pawhin an ramah show nei tur hian an ngen hlawm. Swift chuan Ningani khan concert neihna tur duans a bakah, hmun dang 15-a belh leh a nih thu a sawi.

Swift chuan social media-ah concert neihna tur hmun 15 ruat belh leh a nih thu hi puangin, heng zingah hian Miami, New Orleans leh Indianapolis pawh an tel. Heng khawpui pathumah hian show vawi thum ṭheuh a nei ang.

A ṭum khatna turin Swift hian Canada ramah concert a nei dawn bawk a, Toronto chu show neihna tur belh zingah a tel. Canada prime minister Justin Trudeau chaun thla hmasa khan social media kaltlangin Swift hian an rama tour nei ve ngei turin a lo ngen tawh a ni.

Show neih belh tur hian fan-te a tilawm hle a, mahse, an la nghah ve hlek chu a ngai dawn. Hmun an belh tharahte hian nakkum October-November-ah show hi a nei thei chauh dawn a ni.