Katy Perry-i'n nu a nihna dah pawimawh hmasa

'Smile' singer Katty Perry chuan kum 2020-a fanu, Daisy a neih hnuah music thar a la siam lo. Kum 38 mi pop star hian actor Orlando Bloom nena an fanu chu a dah pawimawh hmasa ber tih a sawi.

Katty Perry chuan Good Morning America-ah hemi chungchang hi sawi chhuakin, a fan-te chu dawhthei taka lo nghak turin a chah. A album tihchhuah hnuhnung ber chu kum 2020-a mi, 'Smile' kha a ni. Hla chu a phuah reng tih a sawi a, mahse, tunah rih chuan a tana pawimawh a tih chu a fanu kum thum mi bula hun hman a, a tana awm reng chu a ni tih a sawi. Music lamah chuan a la rawn let ngei tur thu leh, album thar pawh siam ngei a tum tih a sawi bawk.