Robert Downey Jr-a'n giveaway-ah vintage car pe dawn

Iron Man star, Robert Downey Jr. chuan fan-te tana giveaway a siamah, a car kawl lai paruk a pe tel dawn.

Downey Jr. hian giveaway a siam tur hi a Instagram Story lamah tarlangin, car a pek turte hi 1965 Chevrolet Corvette, 1966 Buick Riviera, 1969 Mercedes-Benz 280SE, 1972 Chevrolet K10 Pickup, 1972 VW Bus leh 1985 Chevrolet El Camino-te an ni. Heng car-te hi eco-friendly tura siam ṭhat vek an ni.

Mahse he giveaway hi USA, UK leh Canada-a a fan, kum 18 tlingte tan chauh hawn a ni thung. Winner-te hian car an dawn bakah 'Road Trip Kit' an dawng tel dawn a, hetah hian sunglass, crossbody bag, baseball cap, sweatshirt, blanket leh bucket hat-te a tel ang.