Honda Dio 125 model thar tlangzarh

Zote Honda chuan August 4, 2023 (Zirtawpni) zan khan Honda Dio 125 model thar an tlangzarh ta.

Hyve Aizawl City Hall-a hun buatsaihah Honda Club OB-te'n khuhhawnna hi an nei. Motorcycle hre chiang leh tawn hriat ngah tak Honda product khalh lai mek, Muantea Infobikes chuan product presentation a nei a, Honda Dio 125 model thar chu tun lai thiamna sang tak hmanga thuam a nih thu a sawi.

Honda Motorcycle & Scooter India (HMSI) chuan Dio 125cc scooter hi July 13, 2023 khan India ramah an lo tlangzarh tawh a, Mizoramah pawh mipui lei theih tura khuhhawn a ni ve ta a ni.

Specification:

Honda Dio 125cc model thar hi chi hnihah ṭhen niin, Standard leh Smart te duhthlan tur a awm. Standard hi Rs. 83,400 (ex-showroom) man a ni a, Smart hi Rs. 91,300 (ex-showroom) man a ni.

Honda Dio 125-ah hian thil thar hmuh tur a awm nual a, chung zingah chuan LED headlamp pawh a tel. Single-cylinder, air-cooled, fuel-injected engine niin, smart key, digital meter, 171 mm ground clearance, 12-inch front wheel, 2-lid fuel opening system, combi braking leh thil thar dang pawh a awm.

Dio 125 hi 8.3hp/10.4Nm niin, telescopic fork/monoshock set-up thlap a nih bakah ground clearance tha tak a ni. A ke hma hi disc brake niin, a brake hi Combi-Break System (CBS) hmanga thuam a ni.

Rawng chi hrang pasarih - Pearl Siren Blue, Pearl Deep Ground Gray, Pearl Night Star Black, Mat Marvel Blue Metallic, Mat Axis Gray Metallic, Mat Sangria Red Metallic leh Sports Red te duhthlan tur a awm a ni.