Sipaia ṭang turin BTS Suga inbuatsaih

BTS Suga chu mandatary military service zawm turin a inbuatsaih ṭan.

Band agency, BigHit Music chuan hemi chungchangah hian thuchhuah siamin, Suga-a'n a military service postpone tura a lo dil tawhna chu sut turin a ngen a, ngenna pawh a theh lut tawh tih a tarlang.

Suga hian Pathiannia Seoul concert a neih chu sipaia a ṭan hmaa stage-a a inlan hnuhnun berna tih lam hawiin a lo sawi tawh bawk. Kum 2025-ah BTS member dang, RM, Jin, J-Hop, Jimin leh Jungkook-te nen an inhmuh khawm leh turte a sawi. Sipaia a luh hun tur tak erawh sawi chian a la ni lo.

South Korea ram danah, mipa kum18-35 inkarte chu, taksa lama an fit a nih chuan thla 18-21 chhung sipaiah an ṭan ngei ngei a ngai a ni.