Post Malone-in a fan hnenah guitar pe

Post Malone fan zingah vannei fal an awm leh ta. Kar liam taa Tampa Bay concert zawhah, rapper hian a fan zinga pakhat chu a guitar pawl, USD 5K man, jam-naah pawh a lo hman tawh chu a pe a,a hming a sign hnan bawk.

A fan vannei tak hi hmeichhe naupang, kum 11 mi Winter a ni. A nu, Jenn chuan a fanute, Winter leh Brookly-te chu Post fan ruhkawl an ni tih a sawi. Winter hian guitar perh a la thiam lo a, mahse, a thilpek dawn hlu tak vang hian a zir phah ngei pawh a rinawm. Post Malone hian guitar a pek rual hian uluk taka enkawl turin a intiamtir nghal a ni.

American rapper, Post Malone hi rapper ngilnei leh thilphal tia sawi a ni ṭhin a, a fan-te a ngaihlu thiamin a dah pawimawh hle a, thilpek pawh a pe fo. Hei bakah midang ṭanpuina kawngah pawh a che chhuak fo bawk.