UNICEF-in Behemoth thilpek a hnawl

Poland extreme metal band, Behemoth in naupang ṭanpui ngaite puihna tura sum a thawh tum chu UNICEF Poland leh Company With Heart programe chuan an hnawl.

Donation an hnawlsakna chhan hi hrilh nghalin, an band music leh visual art hmanga an thu kente chu an duh lo a, hei vang hian an sum thawh chu an pawm thei lo tih an sawi.

July thla khan band hian an webstore-ah charity atan teddy bear an zuar a, an hralhna aṭanga an hlepte chu naupangte tan, charity-ah an hlan vek ang tih an sawi. An teddy bear zawrh hi a dum niin, a mit ve veah X an dah a, an band chhinchhiahna an dah a, tag-ah '100% Satanic' tiin an ziak. A thawh khatnaa an zawrh chhuah 50-te chu an hralh zo tawh a, a batch hnihna chu July 22 aṭang khan an zuar leh ṭan.

Behemoth vocalist/guitarist Nergal chuan an sum hmuh chhuah chu naupangte ṭanpui hna thawktu, charity dang hnenah pek leh an tum dawn tih a sawi.