RRKPK-in Rs. vbc 200 chuang la lut tawh

Alia Bhatt leh Ranveer Singh channa 'Rocky aur Rani Ki Prem Kahani', RRKPK film chuan tihchhuah a nih aṭanga a kar hnihnaah ram chhungah Rs. vbc 120 chuang la lut tawhin, khawvel puma a sum lak luh hi Rs. vbc 205 a tling tawh. Rs. vbc 300 la lut thei turah beisei a ni.

Hun rei tak film siam lama a chawlh san hnuah director Karan Johar film siam thar hi July 28 khan tlangzarh a ni a, ramchhung bakah North America lamah pawh a che ṭha hle. Kumin chhunga Bollywood film chhuak zingah box office-a Rs vbc 100 la lut thei film parukna a ni bawk. Alia Bhatt-in Rs. vbc 100 la.lut thei film pariat a neihna leh, Ranveer Singh-a'n pasarih a neihna a ni bawk.

He film-ah hian Dharmendra, Jaya Bachchan leh Shabana Azmi-te pawh an chang.