The 1975 band hnenah zángnadawmna pe turin phût

Malaysia music festival, Good Vibes Festival neih ṭuma British band, The 1975 vocalist, Matt Healy-a'n an perform laia Malaysia ramin mahni anpui khapna dan a siam a sawisel avangin he festival hi tihtawp a nih phah a, hei vang hian festival buatsaihtute chuan band hnenah hian zángnadawmna pe turin an phût.

Matt Healy hian mahni anpui kawp khapna dan chu sawiselin, a tih elna atan hian stage-ah an band member pakhat chu a fawp zui a ni.

He thil thleng avang hian Kuala Lumpur-a music festival buatsaih hi hmabak ni thum la awm mah se tihtawp zui a ni. Event organiser, Future Sound Asia chuan The 1975 hnenah hriattirna pein, an thiltihin a nghawngah mawhphurhna an lak a, organiser-te tana harsatna an thlen avangin zangnadawmna pe tur hian an ti. Hei hi an ti lo a nih chuan, English court lamah an khin zui tur thu an sawi bawk.