Kelly Clarkson-i'n a hla thu thlak

Kelly Clarkson chuan a 2015 hit, 'Piece by Piece' hla thu chu a pasal, Brandon Blackstok nen an inṭhen hnuah a thlak danglam.

Kar liam ta Inrinnia Las Vegas-a a perform-naah, pung khawmte hmaah a hla thu a thlak danglam thu hi a sawi. A hla original-a 'he' tih chu 'I' tiin a thlak a ni. A hla siam lai hian beiseina sang neia a siam a ni a, mahse, chu beiseina chu beisei bo-ah a chang leh ta a ni, a ti.

He hla hi Clarkson hian a pa, a chhungkua thlauhthlatu leh a pasal hlui ni ta, Blackstock-te chungchang a phuahna a ni. A pa ang lo taka a pasal (hlui)-in a rilru na a tuam damsak a, a enkawl leh a tana a awm reng chungchang a tarlang. Mahse, kum sarih an inneih hnuah, kum 2020 khan Clarkson leh Blacstock-te hi an inṭhen a, inṭhennain a nghawng nat dante hi a studio album 10-na, 'Chemistry' pawh a lo tarlang tawh bawk.