Billboard 200 : Travis Scott-a'n no. 1 ni thei album 3 a nei ta

Billboard 200 album chart tharah, Travis Scott (II) chuan a album thar, 'Utopia' chu pakhatna a nihpui a, no. 1 dinhmun thleng thei album pathum a neihna a ni ta.

'Utopia' album hi July 28 khan tlangzarh a ni a, equivalent album unit 4,96,000 neiin, album sale 2,52,000 a nei bawk. Stream mtd 331 neiin, hip-hop or rap album zinga kar khat chhunga vinyl sales tam ber a ni.

Travis Scoot hi album chart bakah, Hot 100 lamah pawh a che ṭha fal hle a, "Utopia'-a hla 19-te chu an vaiin Hot 100-ah an lang pha vek. Rapper hi artist zingah hetiang dinhmun thleng thei 15-na a ni.

Post Malone album thar, 'Austin' chu no. 2-ah a rawn lang bawk a, equivalent album unit 1,13,000 neiin, top 10-a kar 22 chhung lang tawh, Morgan Wallen 'One Thing At a Time' chu no. 3-ah a awm bawk.

"Barbie" soundtrack chu no. 4-ah a tla thla a; n.o 1 dinhmun pawh lo hauh tawh, Taylor Swift 'Speak Noew (Taylor's Version) pawh no. 5 a tla hniam tawh bawk. Swift leh Wallen-te hi tla hniam deuh mah se Top 10-ah album pahnih ve ve an lanpui thei tho.