Meghan Thee Stallion kaptu Canadian rapper kum 10 tang dawn

Canadian rapper, Tory Lanez chu kum 2020, July thlaa Hollywood Hills-a pool party neih zawha American rapper, Megan Thee Stallion a kah avangin thiam loh chantir a nih hnuah, kum 10 tang tura hrem a ni ta.

Los Angeles Superior Court judge David Harriford chuan kum 31 mi, Lanez hremna tur hi Thawhlehni khan a puang. Hremna a puan rual hian Herriford chuan, "A chang chuan mi fel tak nia ngaihte hian thil ṭha lo tak an ti ṭhin. An thil tih man erawh an tel zel a ngai," a ti.

Artist pahnihte hi Kylie Jenner chenna ina pool party an neihnaah an music career chungchangah na takin an inhau nia sawi a ni a, an inhnialna aṭanga a kal sawn chu Lanez hian lam tura tiin a ke hnung lamah silaiin a kap a, a ke hi zai a ngaih phah tih Megan chuan a sawi