Voice of Salvationist ṭan a ni

Territorial Salvation Army Youth Council (TSAYC) buatsaih, India Eastern Territory huam chhunga SAY member-te tana zaia intihsiakna 'Voice of Salvationist' chu nimin khan ṭan a ni a, vawiinah chhunzawm a ni ang.

First round-ah hian Division hrang hrang aṭanga audition paltlang mi 107 an inlan dawn a ni. Intihsiakna hi Woodland Hills, Zonuam-ah neih a ni a, first round aṭang hian music instrument a hman nghal theih a ni.

First Round aṭang hian top 30 thlang chhuakin, chuta ṭang chuan top 10 thlan chhuah leh a ni ang. Top 10-te chu August 19 zanah an intihsiak ang a, August 22 zanah Top 5-te'n Dawrpui Multipurpose Center-ah Grand Finale an nei ang. August 25 zanah result puan, lawmman sem leh show ropui tak neih a ni ang.

Voice of Salvationist-a pakhatna hian Rs. 50,000 a dawng dawn a, pahnihna leh pathumna te'n Rs. 30,000 leh Rs. 20,000 an dawng dawn a ni.