Mizo Hit Chart-July puan chhuah a ni leh ta

Mizo streaming app, Runmawi leh Zo Event Management ṭangkawpin an buatsaih, Mizo Hit Chart-July chu puan chhuah a ni leh ta. July chart hian May 1- July 31 chhunga Youtube-a Mizo hla upload-te a huam a ni.

July chart-ah gospel lamah Jonathan Lianhna a rawn langsar a, gospel hla zinga view ngah zual pahnih a rawn hauh thei. Mizoram Synod Choir chu pathumnaah rawn langin, Maruati pawh palinaah a la awm. Nancy Zothanmawii chuan view-tu ngah top 10-ah a hla pathum ngawt a lanpui thei bawk. Anni bakah Thawhlehnaropuia, One in Christ leh Lalthansangi-te chu thla thum chhunga gospel hla ngaihthlak tam zingah an tel bawk.

Lengzem lamah chart siam tirh aṭangin Youngfella chu a la chungnung zel. May-July chhunga lengzem hla ngaihthlak nasat top 10-ah Youngfella hla pali ngawt a lang leh a, hengah hian artist hrang hrang - Rebecca, Zaii Hauchhum, S.Dawg. Mic Khan leh Smiley-te a thawhpui. Zaii Hauchhum pawhin a hla thar a rawn lanpui a, July thla chawhnu lama upload, Saiwanah Sailo 'Ka Pa Khuma' pawh view 933k chuang nei hmanin top 10-ah a rawn lang thei nghal.