2023 MTV VMA nomination-ah Taylor Swift a langsar

2023 MTV Video Music Awards (VMA) nomination puan a ni ta a, Taylor Swift a langsar leh ber a, caterogy pariatah nomination a hmu.

'Cruel Summer' hitmaker, Swift hian Artist of the Year bakah, Video of the Year, Song of the Year, Best Pop, Best Direction, Best Cinematography, Best Editing, leh Best Visual Effects category-ahte a lang a ni.

Swift hi Video of the Year vawi thum dawng thei awmchhun a lo ni tawh a, kuminah he category-ah hian nominate a ni leh bawk. A megahit 'Anti Hero' chu award pasarih dawng thei tura chhawpchhuah a ni a, heng zingah hian Video of the Year bakah, Song of the Year leh 'Best Direction' te a tel.

Swift dawtah SZA awmin, nomination paruk a hmu ve bawk. Doja Cat, Olivia Rodrigo, Nicki Minaj, Miley Cyrus, leh Sam Smith-te chuan nomination panga hmuin, Blackpink leh Shakir-te'n pali an hmu ve bawk.

Kumina MTV MVA dawng thei tura chhawpchhuah zingah hian a ṭum khatnaa lang artist 35 an awm a, an zingah hian Ice Spice, GloRilla, Kim Petra, Renee Rapp-te pawh an tel.

2023 MTV VMA hi September 12 hian New Jersey-a Prudential Centre-ah sem a ni ang.

MTV VMA award dawng hnem ber ni mek chu Madonna niin 20 a dawng tawh a, Beyonce chuan dawtin 16 a dawng tawh bawk. Taylor Swift hian he award hi 14 a dawng a, kuminah nomination pariat a hmuh leh tak avangin Madonna lehpel thei dinhmunah a ding mek.

Kum 2017-a VMA-in Artist of the Year category a telh hnuah, kumina he chawimawina dawng thei tura chhawpchhuahte chu hmeichhia vek niin, nominee-te chu - Beyoncé, Doja, Karol G, Minaj, Shakira leh Swift-te an ni.