Renaissance Tour-ah Beyonce-i'n record a siam

'Renaissance' Tour nei mek, Beyonce chuan July 29 leh 30 zana MetLife Stadium-a concert a neihah record a siam a, mihang zaithiam zingah concert-na aṭanga sum hmu tam ber a ni.

'Break My Soul' hitmaker hian MetLife Stadium, East Rutherford-a zan hnih concert a neihah hian, zan khatah USD mtd 16.541 ve ve a hmu chhuak a ni. Mihang artist zingah concert ṭum khatnaah hetiang zat sum hmu chhuak an la awm lo.

Official Chart data-in a tardanin, kum 41 mi Queen Bey hian 'Renaissance' Tour a neih mek aṭang hian USD mtd 296 a hmu chhuak tawh a, show 23 a la hmabak avangin a sum hmuh pawh hi a la pung chho leh hle dawn a ni. 'Renaissance' Tour hi Beyonce concert tour neih ṭum kuana niin, March 10 aṭang khan a nei ṭan a ni. Kum 2016 hnua solo tour a neih lehna hmasa ber a ni bawk.