Zaninah Thaibawih a en theih dawn ta

Ngaihven hlawh, 'Thaibawih' (Hmeichhe lu chu mipa) film chu zanin hian tlangzarhin, Lersia Play-ah mipuite en theih tura chhawpchhuah a ni dawn ta.

Zote Entertainment buatsaih, 'Thaibawih' hi zanin dar 7:30-ah Vanapa Hall-ah Lalsawmliana Pachuau (LPS) chuan a tlangzarh dawn a, dar 8:30-ah Lersia Play-ah dah a ni ang. He film hian ngaihven a hlawh a, kan en chak tlang bawk aniang, film premier-na tura ticket hi Thawhlehni khan an sold-out tawh.

Mizo hmeichhe lemchan thiam leh chhe lo tak mai, Ruthy Chenkual leh 'Thinglung khawngaihthlak' singer, Francis-te channa, 'Thaibawih' hi March thla aṭanga buaipui kha niin, Kawrthah leh Rawpuichhip-ah chan a ni. He film-ah hian 'Lerlawri' bakah, Aaron Malsawmdawngzuala leh Malsawmtluangi Tochhawng-te pawh an inlan bawk. Director hi Mike niin, Lersia Play chu co-producer a ni.

'Thaibawih' film hi Lersia Play-ah Full HD - Rs 354, HD -Rs 295, SD - Rs 236 leh Mobile - Rs 177 a lei theihin dah a ni.