Ryan Reynolds chawimawi dawn

'Deadpool' actor, Ryan Reynolds chu British Columbia-in chawimawina sang, Order of British Columbia a hlan dawn. Kumin kumtawp lamah hlan a ni ang.

Vancouver, Canada-a piang, Ryan Reynolds hian a acting career lamah hlawhtlinna nasa tak a chang a, 'Free Guy' leh 'Deadpool' franchise-ahte a chan bakah, business world-ah pawh a hlawhtling hle. Tunah hian Welsh football team, Wrexham AFC co-owner a ni mek bawk.

British Columbia lieutenant governor, Janet Austin chuan he chawimawina hi a hnathawh ṭha tak leh hlawhtlinna ropui tak a chan avanga hlan a ni dawn tih a sawi.