Ooze-a album thar release

Zaithiam tam takin album siam an ngam tawh loh laiin, Mizo rapper Ooze chuan a album, hla 11 awmna, 'Mirethei fa' tih chu nimin khan streaming app, Spotify-ah a release. Zanin hian Hyde Inn Resort-ah album tlangzarhna hun hi hman a ni dawn bawk.

He album-a hla awmte chu Ooze-a phuah leh a thluk pawh a siam vek a ni. Rimawi khawvela a zuan luh dan leh, a thil tawn chhoh hrang hrangte hla thu hmangin a rawn puang chhuak a ni. Beat leh recording hi Polymer Records kutchhuak a ni thung.