2023 Dove Awards nomination puang

Christian music industry lama chawimawina ngaihhlut, 2023 Dove Award dawng thei tura chhawpchhuahte chu kar liam ta khan Gospl Music Association (GMA) chuan a puang.

Dove Awards hi kum 1969 aṭang khan sem chhuah ṭan a ni. Kumina neih tur, 54th annual Dove Awards hi October 17 hian Nashville-ah neih a ni dawn.

Kumina chawimawina dawng tura chhawpchhuah zingah Brandon Lake chuan nomination 11 hmuin a hmu hnem ber a, songwriter Jeff Pardo chuan pariat, Jason Ingram leh Kirk Franklin-te'n paruk ve ve an hmu bawk. Hmeichhe artist zingah nomination hmu hnem ber chu Katy Nichole niin nomination pali a hmu a, Lauren Daigle, Naomi Raine leh Tasha Cobbs Leonard-te'n pathum ṭheuh an hmu ve bawk.

GMA President Patillo chuan nominee-te a lawmpui thu sawiin, kum tinin Award semna turah theme an thlang ṭhin a, kumin theme atan chuan 'Joyful Echo' thlan a ni tiin, Isaia 42 :12 "Lalpa chu tiropui sela, thliarkarahte chuan a fakna thu hril rawh se," tih chu an innghahna a ni tih a sawi. Kumin show neihtur chu Isua Krista hmangaihna fakna hun ropui tak a nih leh ngei an beisei thu a sawi bawk a ni.