iTunes chart-ah BTS V-a'n ro a rel

14th August, 2023

BTS V chuan a hla thar pahnih hmangin ram hrang hrang iTunes chart-ah ro a rel mek.

August 11-a a tihchhuah, a solo debut album-a mi tur, 'Rainy Days' leh 'Love me Again' chu a chet ṭhatpui hle. 'Rainy Days' hi ram/region 70-a iTunes Top Song-ah no. 1 a nihpui a, heng zingah hian US, UK, Japan, Germany leh France-te pawh an tel.

'Love Me Again' hi ram 35-ah no. 1 ni bawkin, Austria, Bulgaria leh Romania-te pawh a chet ṭhatpuina zingah an tel a ni. V hian a solo debut album, 'Layover' hi September 8 hian tlangzarh a tum a ni.