Indian box office-ah 'Gadar 2' a tal na

Sunny Deol comeback-na, 'Gadar 2' chu Indian box office lamah a tal na hle. Pathianni khan Rs. vbc 52 lak luh belh lehin, ni thum chhunga a sum lak luh hi Rs. vbc 135 a tling der tawh.

'Gadar 2; hian superstar, Shah Rukh Khan channa, 'Pathaan' record siam a rawn pel. 'Pathaan' hian first Sunday-ah Rs. vbc 39.25 la lutin record a lo siam tawh a, mahse, Sunny Deol channa hian a rawn luahlan ta a ni. Sunny hi actor zingah kum 60 tlin tawh hnua Rs. vbc 100 la lut thei film nei hmasa ber a ni bawk.

Gadar 2-ah hian Sunny hi Tara Singh lemah a chang leh a, Ameesha Patel chu Sakeena lemah a rawn chang leh bawk. Zee Studios produce niin, kum 1971 kuma Tara Singh-a'n Pakistan Army kut aṭanga a fapa, Charanjeet Singh a chhanchhuah dan tarlanna a ni.