Manipur Zofate ṭanpui nan zaithiam 36 zai dawn

Manipur Zofate puala buatsaih, zan hnih awh tur Helping Hands Charity Concert chu zanin dar 8 aṭang hian Vanapa Hall-ah ṭan a ni dawn ta. Mizorama zaithiam lar leh ṭha ber berte an rawn che chhuak dawn a, local channel LPS, Zonet leh Lelte Youtube channel-ah live-a pek chhuah a ni ang.

Vanapa Hall-a concert buatsaih lai hian tualchhung buaina chhuak vanga harsatna nasa tak tawk mek, Manipur Zofate ṭanpuina turin a duh apiangin GPay hmangin ṭanpuina pek theih a ni dawn a, a hmunah erawh sawm bikte tan seat reserve a ni.

Lelte Award Organising Committee chairman, Lalnunkunga Sailo chuan charity concert buatsaih a nih theihna atan hian hma a la a ni. August ni 18, 2023 hian Aizawl khawpuia Bawngkawn leh Kulikawn inkarah ṭanpuina vehbur an khawn dawn bawk.

Helping Hands Charity Concert-a zaithiamte zai lai hian Manipur Zofate tan, GPay hmanga mahni phal tawk te te pe leh turin mipuite an sawm a ni.

'I unaute indonaah an awm mek laiin, nang erawh i ṭhu muang mai mai bik dawn em ni?'