Barbieland awmna chhui chhuak!

'Barbie' movie-ah Barbie, Ken leh Weird Barbie-te chuan an chenna, Barbieland awmna hmun an sawi lang lo chungin, Harvard chhuak celebrity astrophysicist Neil de Grassee Tyson chuan Barbieland awmna chu a chhui chhuak tih a sawi !

Tyson hian Barbieland awmna a chhui chhuah dan hi a Facebook, Threads leh X social media account-ahte a tarlang a, Barbie movie-a thla (moon) landan te, thingkung awm dan leh, ni leh thla chhuah leh tlak dante a zir chianna aṭangin, Barbieland chu US-a Florida Keys-a awm a ni, a ti.

Key West Mayor Teri Johnston chuan scientist thil chhui chhuah dan chu ṭha a ti hle tih sawiin, an bial chhunga Barbie ram a lo awm chu lawmawm a tih thu a sawi. Mahse 'Barbie' movie erawh a la en ve lo a, a en ngei tur thu sawi.