Snow White audition atan Gad Gadot a inbuatsaih rei

Wonder Woman Gal Gadot chuan Snow White film-a audition ti turin thla khat zet a inbuatsaih tih a sawi.

'Snow White and the Seven Dwarfs' live-action remake hi kum 2024-a tihchhuah tum a ni a, he film-ah hian Rachel Zelger chu Snow White lemah a chang. Kum 38 mi, 'Heart of Stone' actress Gadot hi Evil Queen-ah a chang thung.

GQ-in an kawmnaah Gadot chuan, "Hun rei tak hnua audition ka hmachhawn leh vawi khatna a ni. Musical film a nih avangin ka zai thei em tihte an en chhin phawt duh a ni. Hei vang hian thla khat zet chu a hla hi ka zir a, chumi hnuah audition ka ti a, a part hi ka chang thei ta a ni," tiin a inbuatsaih dan chu nuam a tih thu a sawi tel.

Snow White film-a chan chu a film lo chan tawhte nen a danglam hle tih sawiin, shoot tur pawh a tam a, mahse, a hlimawm hle thung tih a sawi bawk.