September-ah Ed Sheeran album thar

'Perfect' hitmaker, Ed Sheeran chuan thla thar hian album tihchhuah a tum.

Ed Sheeran hian a mathematics series final record, 'Substract' chu May thla khan a lo tichhuak tawh bawk. Kum khat chhunga album pahnih a tichhuak tur hi a fan-te tan chuan a lawmawm hle ang.

Kum 32 mi, Ed hian Mathematics tour a neih mek hi thla thar hian a zo dawn a, hemi hnuah album thar hi a tichhuak dawn a ni. Kar liam taa Minneapolis-a US Bank Stadium-a concert a neihnaah pawh a hla thar pathum a rawn sa a ni.

Nashville-ah hun eng emaw chen a hman hnuah country music chu a ngainat chhoh thu leh, 'try' a chak thu Ed hian a lo sawi tawh a, hei vang hian a album thar tur hi a genre pawh a rawn dang maithei.