Album chart-ah Travis Scott Singles chart-ah Morgan Wallen

Billboard 200 album chart-ah Travis Scott (II) chuan a album 'Utopia' chu a kar hnihna atan pakhatna a nihpui chhunzawm. Morgan Wallen chuan Hot 100 singles chart lamah 'One Thing at a Time' chu no. 1 a rawn nihpui leh bawk a, no. 1-ah hian a zawn loin kar 16 a awm tawh a, kum 65 chhunga no. 1 dinhmun hauh thei rei ber dawttu a ni mek.

Travis Scott 'Utopia' hian a kar hnihnaah US-ah equivalent album unit 147,00 a la nei pha a, album sales 37,000 a nei bawk. 'Utopia' hi Billboard 200-ah kum hnih dawn chhunga rap album zinga kar hnih chhunga no. 1 ni thei hmasa ber a ni.

Morgan Wallen chu singles lamah a chet ṭhat bakah, album chart-ah pawh 'One Thing at a Time' chu equivalent album unit 92,000 neiin pahnihnaah a rawn chhoh pui leh. Barbie soundtrack pawh no. 3-ah a rawn kai sang bawk.

Album chart top 10-ah hian Taylor Swift album pali - Speak Now (Taylor's Version), Midnights, Lover leh Folklore an lang. 'Anti-Hero' hitmaker hian Top 10-ah album pali a lanpui theih ṭum thumna a ni. Post Malone 'Austin' chu a kar hnihnaah no. 7-ah a tla thla a, Peso Pluma 'Genesis' pawh no. 8-ah a tla hniam tawh. Morgan Wallen chuan 'Dangerous: The Double Album' hmangin top 10 hi a rawn khar a ni.