Voice of Salvationist 2023 Top 10 intihsiak dawn

Territorial Salvation Army Youth Council (TSAYC) buatsaih, India Eastern Territory huam chhunga SAY member-te tana zaia intihsiakna, 'Voice of Salvationist' neih mekah a thiam zual 10 thlan chhuah an ni ta.

Top 10-te hi August 18 (Zirtawpni) zan hian Dawrpui Multipurpose Centre-ah an intihsiak dawn a, heta aṭang hian Top 5 thlang chhuakin, anni hian August 22 zanah Grande Finale an neih leh dawn a ni. Result hi August 25 zanah puangin, show ropui tak neih a ni bawk ang.