Zohnahthlak Christian Network buatsaih Charity Concert

Zohnahthlak Christian Network buatsaihin zanin leh naktuk zan hian Manipur Zohnahthlak raltlante pualin Vanapa Hall-ah Charity Concert neih a ni dawn.

Concert hi zan dar 8-ah ṭanin, a thlawnin a luh theih dawn a, mahse, Manipur Zohnahthlak raltlan mek leh, a hmuna hrehawm leh baihvai taka awmte tan bawm dawh a ni thung ang. Concert neih chhung hian live phone hmangin in lam aṭangin ṭanpuina pawisa pekna hun remchang siam a ni dawn. Mizo mipui inphal bikte tan Donor's card eng emaw zat sem chhuah a ni bawk.

Mizorama artist lar - Zaii Hauchhum, David Darlong, Jauvi, Benjamin Sum, Zoramchhani Band, Faktu, Siampuii Ralte, Vanlalhmangaiha, Kimkima, G'nie, Rpa Ralte, OPA (Tribal power), Angaihtei, Priscilla Laldinpuii Fanai leh Manipur artist lar tak tak Elvis Shakum, Grace Baite, Benjamin Pakhuangte, Mary Vaiphei, Zenngaisang leh midangte an zai dawn. Charity Concert atan hian Aizawl Municipal Corporation, D3 Business Enterprise, Active Sound-te nen thawkhoin, media partner : ZCN, Rainbow Mizo Channel, Alpha Mizo Production, Elite Studio Production, Zorimawi, Mizo Official Channel-te an ni.

Concert hi Zonet, LPS 5 leh Youtube channel-ah te Live a pek chhuah a ni ang.