Zaninah ‘Jay Jay Karo’ Top 5 intihsiak

Synod Mission Board Media Sub-Committee leh Synfo ṭangkawpin an buatsaih, Hindi Pathian fakna hla intihsiakna 'Jay Jay Karo'-a a thiam zual 5 thlan chhuahte chuan zanin hian intihsiakna an nei leh dawn.

Top 5 intihsiakna hi zanin dar 8:00 aṭangin Synfo Studio, Synod Office-ah neih a ni dawn a, Hruaina Eng channel-ah live-a pekchhuah a ni ang. Final hi August 29, 2023 zanah neih a ni dawn a ni.

'Jay Jay Karo' hi Synod Mission Board Media Sub-Committee in rawngbawlna kawnga thil ṭangkai tak a nih beisei a, Hindi Pathian fakna hla sa thiam dap chhuahna atana a buatsaih a ni. Intihsiaknaa pakhatna hian Rs 70,000 leh citation, pahnihnain Rs 40,000 leh citation, pathumnain Rs 20,000 leh citation an dawng dawn a, Top 5 tling hian Rs 5,000 leh cerficate an dawng dawn bawk.