SZA donation pek an troll nasa

'Kiss Me More' hitmaker, SZA chuan Hawaii-a Maui thliarkara ram kang nasa tak tuartu zinga chhungkaw pakhat ṭanpuina atan USD mtd 2,500 a pe a, mahse ani ang mi larin hetiang zat lek ṭanpuina atana a thehchhuak hi social media lamah an troll zui nasa hle.

SZA tiha hriat lar, Solana Rowe donation pek hi a tlem lutuk tiin X user tam takin an troll a, 'Hei aia tam thehchhhuak thei chu a ni," an ti.

Maui-a ram kang nasa tak thleng vang hian Lahaina khuaah mi 100 chuang an thi tawh a, in leh structure tam tak a kang chhe bawk. Mi lar tam takin harsatna tawkte ṭanpuina tur hi an thehchhuak a ni.

Amazon founder Jeff Bezos leh a nupui hual, entertainment reporter Lauren Sanchez-te chuan ram kang vanga harsatna tawk mekte ṭanpuina atan hian USD mtd 100 an pe dawn tih an puang. He thliarkara ram acre 2,000 zeta zau nei, Oprah Winfrey pawhin harsatna tawk mekte mamawh leiin a sem kual bawk. Mathew McConaughey-te nupa pawhin Baby2Baby thawhpuiin harsatna tawk mekte mamawh tur hi an thawn bawk.